İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 373 Hüküm no: 375 Orijinal metin no: [47b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alime bt. Hamza’nın boşandığı kocası Ali Çelebi b. Ramazan’dan mehrini tahsil ederek zimmetini ibra ettiği Hul‘ eşyâdan zimmeti ibrâ. Mahmiye-i İstanbul’da Ahmed Paşa mahallesinde Alime bt. Hamza tarafından husûs-ı âti’z-zikre vekîl olup mezbûrenin zâtını ma‘rifet-i şer‘iye ile ârifân olan Abdülbaki b. Ebûbekir ve Mustafa b. Mehmed şehâdetleri ile şer‘an vekâleti sâbite olan Hasan b. Hamza meclis-i şer‘de müvekkile-i mezbûrenin zevc-i mutallıkı bâ‘isü’r-rakīm Ali Çelebi b. Ramazan mahzarında bi’l-vekâle ikrâr ve i‘tirâf edip müvekkilem mezbûre zevcim mezbûr Ali Çelebi beni târih-i kitâbdan beş ay mukaddem talâk-ı bâyin ile tatlîk etmekle zimmetinde mütekarrir olan bin akçe mehr-i mü’eccelim mukābelesinde beş yüz akçe nakid ve beş yüz akçe kıymetli bir döşek ve bir sahan ve bir tencere ve iki yorgan ve bir ibrik ve bir leğeni mezbûr Ali Çelebi yedinden ahz u kabz edip zevciyete ve gayra müte‘allika da‘vâdan mezbûr Ali Çelebi’nin zimetini ibrâ-i âmm-ı kātı‘u’n-nizâ‘la ibrâ ve ıskāt eyledim ba‘de’l-yevm da‘vâ ve nizâ‘ım ve alâka ve medhalim yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sânî min-şehr-i Ramazani’l-mübârek li-sene isnâ ve seb‘în ve elf. Şuhûdü’l-hâl: el-Hâc Mehmed b. Bali, Mustafa Efendi b. ( ), Hüseyin Efendi b. ( ), el-Hâc Receb b. ( ), Abdi b. Hüseyin, Mehmed b. Ramazan, Hasan b. Bayram.