İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 374 Hüküm no: 377 Orijinal metin no: [47b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kerane isimli nasraniye ile kocası İsmail b. Abdullah’ın boşanarak zimmetlerini ibra ettikleri Hul‘. Mahmiye-i İstanbul’da Ayakapısı hâricinde sâkin Kerane bt. ( ) nâm Nasrâniye mahfil-i kazâda zevci İsmail b. Abdullah mahzarında ikrâr ve takrîr-i kelâm edip zevcim mezbûr İsmail zimmetinde mütekarrir ve ma‘kūdün-aleyh olan üç yüz akçe mehr-i müeccelim ile nafaka-i iddet-i ma‘lûmem ve me’ûnet-i süknâm dahi kendi üzerime olmak üzere İsmail ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete müte‘allik cemî‘ da‘vâdan her birimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-işrîn min-Ramazani’l-mübârek li-sene isnâ ve seb‘în ve elf. Şuhûdü’l-hâl: Ahmed Beşe b. Mehmed, Mehmed b. Abdullah, Keşfî Mustafa Efendi, Veli b. Mahmud, Abdi Çelebi b. Hüseyin, Rasûl b. Rıdvan, Mehmed b. Ramazan.