İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 380 Hüküm no: 385 Orijinal metin no: [49a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mehmed’in Kızılcatuzla Babaderesi köyünde hayvanlarını otlatmak için tarlasına yaptığı çardağı yıkarak hayvanlarını otlatmayacağına dair taahhüdü Hüccet-i tarla. Vilâyet-i Anadolu’da Kızılcatuzla kazâsına tâbi‘ Babaderesi nâm karyeden Mehmed bin Mehmed nâm kimesne meclis-i şer‘de kendi tarafından asîl ve sâir karye-i mezbûr ahâlîsinden olup ma‘lûmü’l-eşhâs ve’l-esâmî kimesneler taraflarından husûs-ı âti’z-zikre vekîl olan el-Hâc Hasan b. Abdi mahzarında takrîr-i kelâm edip karye-i mezbûre ahâlîsinin karye-i mezbûre kurbünde vâki‘ olup tasaruflarında olan tarlalarında kendi koyun ve sığır ve kısraklarımı otlatmak için kendi tarlam üzerinde bir bâb çardak binâ etmiş idim. El-hâletü-hâzihî zikrolunan çardağı yıkıp ve ba‘de’l-yevm otlatmamağa ta‘ahhüd eyledim dedikde vâki‘u’l-hâl bi’t-taleb ketb olundu. Fi’l-yevmi’t-tâsi‘ aşer min-Ramazani’l-mübârek li-sene isneyn ve seb‘în ve elf. Şuhûdü’l-hâl: es-Sâbıkūn.