İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 386 Hüküm no: 396 Orijinal metin no: [50a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çelebi b. İsa’nın Ramazan b. Mehmet’te olan kayık parasından kalan borcunu ödemesi için tenbih edildiği İkrâr-ı deyn, meblağ 800. Mahmiye-i İstanbul’da Küçük Karaman’da sâkin işbu râfi‘u’l-kitâb Ahmed Çelebi b. İsa nâm kimesne meclis-i şer‘de Ramazan b. Mehmed nâm kimesne mahzarında üzerine da‘vâ ve takrîr-i kelâm edip mezbûr Ramazan zimmetinde kayık bahâsından bin üç yüz akçe hakkım olup meblağ-ı mezbûrdan mezkûr Ramazan yedinden beş yüz akçesini ahz u kabz edip meblağ-ı bâkī sekiz yüz akçeyi taleb etdiğimde vermede ta‘allül eder suâl olunup alıverilmek murâdımdır dedikde gıbbe’s-suâl mezbûr Ramazan cevâbında fi’l-vâki‘ müdde‘î-yi mezbûr Ahmed Çelebi’ye cihet-i mezbûreden zimmetimde vâcibü’l-edâ sekiz yüz akçe deynim vardır deyü bi-tav‘ihiikrâr ve i‘tirâf etmeğin ikrârı mûcebince meblağ-ı mezbûr sekiz yüz akçeyi müdde‘î-yi mezbûr Ahmed Çelebi’ye edâ ve teslîme mezbûr Ramazan’a ba‘de’t-tenbîh mâ hüve’l-vâki‘ bi’t-taleb ketb olundu. Fi’l-yevmi’s-sânî min-Ramazani’l-mübârek li-sene isneyn ve seb‘în ve elf. Şuhûdü’l-hâl: Abdi Çelebi b. Hüseyin, Rasûl b. Rıdvan, Osman b. Abdullah, Mehmed b. Ramazan, Osman b. Mustafa.