İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 391 Hüküm no: 403 Orijinal metin no: [50b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in satın aldığı Rus asıllı cariye Gülistan için Ömer Beşe b. Mahmut’a kalan borcunu vermesi İkrâr-ı deyn. Mahmiye-i İstanbul’da Hüsam Efendi mahallesinde sâkin Ömer Beşe b. Mahmud meclis-i şer‘de Âişe bt. Mehmed mahzarında üzerine da‘vâ ve takrîr-i kelâm edip mezbûre Âişe’nin târih-i kitâbdan beş sene mukaddem yedimden müşterâ ve makbûz olan evsâfı beynimizde ilm-i şer‘î ile ma‘lûm Rusiyetü’l-asl Gülistan nâm câriye semeninden mezbûre Âişe zimmetinde iki yüz on beş riyâlî guruş hakkım vardır taleb ederim suâl olunsun dedikde gıbbe’s-suâl mezbûre Âişe cevâbında fi’l-vâki‘ müdde‘î-yi mezbûra cihet-i merkūmeden iki yüz on beş riyâlî guruş deynim vardır deyü ikrâr ve i‘tirâf etmeğin mûcebince meblağ-ı mezbûrun edâsıyla mezbûre Âişe ilzâm olunup mâ-vaka‘a bi’t-taleb ketb olundu. Fi’l-hâdî ve’l-işrîn min-Ramazani’l-mübârek li-sene isneyn ve seb‘în ve elf. Şuhûdü’l-hâl: Osman Beşe çukadâr, Ali Beşe sarrâc, Mustafa b. Ahmed, Rasûl b. Rıdvan, Osman Çelebi ser-bölük, Mehmedî Çelebi b. Hüseyin.