İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 392 Hüküm no: 404 Orijinal metin no: [50b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Ahmet’te bulunan Mehmed b. Osman’ın terekesi kardeşi İslam’a teslim edildiği Üç bin dört yüz akçe zimmetini ikrâr. Mahmiye-i İstanbul’da Sultan Mehmed Han Câmi‘-i şerîfi kurbünde sâkin iken bundan akdem fevt olan Mehmed b. Osman nâm kimesnenin li-ebeveyn karındaşı ve hasran vârisi İslâm nâm kimesne meclis-i şer‘de bâ‘isü’l-kitâb Osman b. Ahmed mahzarında ikrâr ve i‘tirâf [edip] mezkûr Mehmed merkūm Osman’ın yanında fevt olmağla terekesinden on dokuz bin altı yüz akçe ahz ü kabz etmekle meblağ-ı mezbûrun ber-mûceb-i vasiyyet altı bin iki yüz akçesi ihrâc olundukdan sonra bâkī on üç bin dört yüz akçeyi mezbûr Osman bana teslîm edip ben dahi yedinden bi’t-tamam ahz ü kabz eyledim min-ba‘d müteveffâ-yı mezbûrun cemî‘ terekesinden yedinde bir akçe ve bir habbe bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-hâmis aşer min-Ramazani’l-mübârek li-sene isneyn ve seb‘în ve elf. Şuhûdü’l-hâl: Ahmed Efendi kâtib-i kassâm, Abdi Çelebi b. Hüseyin, Baba Rasûl b. Rıdvan, Mehmed b. Ramazan, Veli b. Mahmud.