İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 396 Hüküm no: 411 Orijinal metin no: [51b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mora Anapoli kalesi sakinlerinden Fâtıma Hanım bt. Abdi Paşa’nın Mehmed Bey ile evlendiği Hüccet-i nikâh. Vilâyet-i Rumeli’nde Mora sancağına tâbi‘ Anapoli kal‘ası sâkinlerinden fahrü’l-muhadderât ve zahru’l-muvakkarât Fâtıma Hanım bt. Abdi Paşa tarafından husûs-ı âti’z-zikre vekîl olup mûmâ-ileyhânın zâtını ma‘rifet-i şer‘iye ile ârifân mefhar-ı kuzâtü’l-islâm Şeyh Mehmed Efendi b. Mehmed Çelebi ve Ali Efendi b. Mehmed şehâdetleri ile şer‘an vekâleti sâbite olan li-ebeveyn karındaşı mefharu’l-emâsil ve’l-akrân makbûlü’s-sudûr ve’l-erkân deryâ beylerinden Mustafa Bey meclis-i şer‘-i hatîr-i lâzımü’t-tevkīrde sâbıkā Mora Alaybeyisi olan umdetü’l-emâcid ve’l-ekârim Mehmed Bey b. Yahya Ağa tarafından husûs-ı âti’l-beyânı tasdîke vekîl olup vekâleti kuzât-ı islâmiyeden Mehmed Efendi b. Ömer Efendi ve Nimetullah Çelebi b. Ömer şehâdetleri ile vekâleti sâbite olan işbu râfi‘u’l-kitâb Mehmed Efendi b. Ali Çelebi mahzarında bi’l-vekâle ikrâr ve takrîr-i kelâm edip müvekkilem mûmâ-ileyhâ Fâtıma Hanım’ın nefsini bin beş yüz kıt‘a riyâlî guruş mehr-i mü’eccel-i müssemmâ üzerine mezbûr Mehmed Bey için tezvîc edip mezbûr Mehmed Efendi dahi ber-minvâl-i muharrer vekâleten tezevvüc ve kabûl etmeğin mâ-vaka‘a bi’t-taleb ketb olundu. Fi’s-sâlis ve’l-işrîn min-Ramazani’l-mübârek li-sene isneyn ve seb‘în ve elf. Şuhûdü’l-hâl: Mahmud Efendi b. İbrahim el-kādî, Hasan Çavuş b. Abdullah, Ali Bey b. Muharrem, Mustafa Çelebi b. Ahmed, Ahmed b. Abdullah, Mustafa b. İsa, Rasûl b. Rıdvan.