İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 396 Hüküm no: 412 Orijinal metin no: [51b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa b. Mehmed’in satın aldığı at parasından kalan bocunu Hasan Ağa b. Ali’ye vermesi için yapılan tenbih. İkrâr-ı deyn. İşbu râfi‘u’l-kitâb fahrü’l-emâsil ve’l-akrân Hasan Ağa b. Ali meclis-i şer‘de Ahmed Ağa b. Mehmed mahzarında üzerine da‘vâ ve takrîr-i kelâm edip mezbûr Ahmed Ağa zimmetinde karz-ı şer‘îden on üç bin akçe ve yedimden bi’s-safkati iştirâ ve kabz eylediği bir re’s doru at semeninden kırk riyâlî guruş ve bir re’s siyah at semeninden dahi otuz guruş ve bir yağız at semeninden dahi elli guruş ki cem‘an yüz yirmi riyâlî guruş ile on üç bin akçe hakkım vardır suâl olunup alıverilmek murâdımdır dedikde gıbbe’s-suâl mezbûr Ahmed Ağa cevâbında fi’l-vâki‘ müdde‘î-yi mezbûr Hasan Ağa’ya zimmetimde ber-minvâl-i muharrer karz-ı şer‘îden on üç bin akçe ve üç re’s mârrü’l-evsâf at bahâlarından yüz yirmi riyâlî guruş lâzımü’l-edâ deynim vardır deyü bi-tav‘ihiikrâr etmeğin alâ-mûceb-i ikrârihî edâsına tenbîh birle mâ-vaka‘a bi’t-taleb ketb olundu. Fi’s-sâlis ve’l-işrîn min-Ramazani’l-mübârek sene 1072. Şuhûdü’l-hâl: Hasan Çavuş b. Abdullah el-mübâşir, Abdi Bey b. Mehmed, Hâfız Mustafa Efendi b. Hızır, Mehmed Ağa b. Mahmud muhzırbaşı.