İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 400 Hüküm no: 420 Orijinal metin no: [52a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Parasının çalındığı iddiasıyla Mehmed b. Ahmed tarafından açılan davanın delil yetersizliğinden kabul edilmediği Yemîn. Mahmiye-i İstanbul’da Haydar Paşa kurbünde sâkin Mehmed b. Ahmed meclis-i şer‘de Ali Efendi b. Yusuf ve Abdülbaki b. Pîrî ve Mehmed b. Süleyman mahzarlarında üzerlerine takrîr ve da‘vâ edip mezbûrûn ile zikrolunan Haydar Paşa’da olan medresede bir yerde sâkin iken târih-i kitâbdan üç gün mukaddem zikrolunan medresede olan odamız içinde mevcûd mâlımdan yedi bin yedi yüz akçeyi mezbûrûndan hufyeten ahz u kabz etmişlerdir suâl olunsun dedikde gıbbe’s-suâl ve akībe’l-inkâr müdde‘î-yi mezbûrdan müdde‘âsını mübeyyin beyyine taleb olundukda ityân-ı beyyineden izhâr-ı acz edip istihlâf etmeğin fi’l-vâki‘ müdde‘î-yi mezbûrun ber-vech-i muharrer yedi bin yedi yüz akçesini hufyeten ahz u kabz etmeyip üzerlerinde reddi lâzım olmadığına mezbûrûna yemîn teklîf olundukda onlar dahi alâ-vefki’l-mesûl yemîn billâhi te‘âlâ etdiklerinde mûcebince bilâ-beyyine müdde‘î-yi mezbûr mu‘ârazadan men‘ olunup mâ-vaka‘a bi’t-taleb ketb olundu. Fi’l-yevmi’r-râbi‘ aşer min-Ramazani’l-mübârek li-sene isneyn ve seb‘în ve elf. Şuhûdü’l-hâl: es-Sâbıkūn.