İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 417 Hüküm no: 443 Orijinal metin no: [55b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdülkerim’e helva parasından olan borcunu öedemesi için Mustafa’nın tenbih edildiği İkrâr-ı deyn. Mahmiye-i İstanbul’da helvâcı tâifesinden işbu bâ‘isü’r-rakīm Abdülkerim b. Halil nâm kimesne mahfil-i kazâda Mustafa b. Veli mahzarında üzerine da‘vâ ve takrîr-i kelâm edip mezbûr Mustafa zimmetinde yedimden müşterâ ve makbûz vakıyyesi beynimizde ma‘lûm helvâ bahâsından ba‘de küllî hesâb iki bin yedi yüz akçe hakkım olup vermekde [ta‘allül] eder hâlâ taleb ederim suâl olunsun dedikde gıbbe’s-suâl mezbûr Mustafa cevâbında fi’l-vâki‘ müdde‘î-yi mezbûr Abdülkerim’e helvâ bahâsından iki bin yedi yüz akçe zimmetimde vâcibü’l-kazâ ve lâzımü’l-edâ deynim vardır deyü bi-tav‘ihiikrâr ve i‘tirâf etmeğin ikrârı mûcebince meblağ-ı mezbûr iki bin yedi yüz akçeyi müdde‘î-yi mezbûr Abdülkerim’e edâ ve teslîme mezbûr Mustafa’ya tenbîh birle mâ-vaka‘a bi’t-taleb ketb olundu. Fi’s-sâdis ve’l-işrîn min-Ramazani’l-mübârek li-sene isneyn ve seb‘în ve elf. Şuhûdü’l-hâl: es-Sâbıkūn