İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 418 Hüküm no: 444 Orijinal metin no: [55b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe b. Veli ve Mehmed b. Ebîbekir’in Sinan Beşe b. Ali’ye olan borçlarını kabul ettikleri İkrâr-ı deyn. Dergâh-ı âlî yeniçerilerinden otuz ikinci ağa bölüğüne mahsûs oda ahâlîsinden İbrahim Beşe b. Veli ve Mehmed b. Ebîbekir nâm kimesneler meclis-i şer‘de yine oda-i mezbûr ahâlîsinden işbu sahibü’l-kitâb Sinan Beşe b. Ali mahzarında her biri ikrâr ve takrîr-i kelâm edip merkūm Sinan Beşe’ye cihet-i deyn-i şer‘îden iştirâk-i seviy üzere yirmi beş kıt‘a esedî guruş ve târih-i kitâbdan üç yüz altmış gün tamamına değin mü’eccel ve mev‘ûd bir re’s doru iğdic bargir bahâsından yirmi beş esedî guruş ki cem‘an elli kıt‘a esedî guruş lâzımü’l-edâ vâcibü’l-kazâ deynimiz vardır dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâmin ve’l-işrîn min-Ramazani’l-mübârek li-sene isneyn ve seb‘în ve elf. Şuhûdü’l-hâl: Receb Beşe b. Abdullah, Yusuf b. Abdullah, Mustafa b. İsa, Mustafa b. Mehmed.