İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 430 Hüküm no: 462 Orijinal metin no: [57b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Ömer ile Mustafa b. Şaban’ın boşanmaları Hul‘ ve ibrâ. Mahmiye-i İstanbul’da Mesih Paşa mahallesi sâkinelerinden Fâtıma bt. Ömer nâm Hatun meclis-i şer‘de işbu bâ‘isü’l-kitâb zevci Mustafa b. Şaban nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Mustafa zimmetinde mütekarrir ve ma‘kūdün-aleyh olan iki bin akçe mehr-i mü’eccelim ve nafaka-i iddet-i ma‘lûmem üzerlerine me’ûnet-i süknâm dahi kendi üzerime olmak üzere ve hamlim eğer hayyen zuhûr ederse hakk-ı hıdâne sâkıt olunca kendi mâlımdan infâk ve iksâ etmek üzere ve bedel-i hul‘ olup yedimden kabz eylediği silk-i mülkümde münselik olan eşyâdan bir müsta‘mel entâri ve bir serpûş ve biri kılabdânlı ve biri münakkaş iki makrama ve iki fağfûrî fincan üzerelerine muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete ve gayra müte‘allika âmme-i da‘âvîden her birimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâdis min-Şevvali’l-mükerrem li-sene isnâ ve seb‘în ve elf. Şuhûdü’l-hâl: Mehmed Bey b. Abdullah, Veli Çelebi b. Mahmud, Rasûl b. Rıdvan, Mehmed b. Ramazan, Hüseyin Çelebi b. Ebûbekir.