İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 438 Hüküm no: 473 Orijinal metin no: [59a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Bey b. Muzaffer’in Rus asıllı cariyesi Kâmile bt. Abdullah’ın azat edilmesi Itâknâme. Mahmiye-i İstanbul’da Eskiimaret mahallesi sâkinlerinden fahrü’l-a‘yân Mehmed Bey b. Muzaffer tarafından i‘tâk-ı âti’z-zikri ikrâra vekîl olup Receb b. Hasan ve Ahmed b. İbrahim şehâdetleri ile vekâleti sâbit olan Mustafa Ağa b. Hasan meclis-i şer‘-i şerîf lâzımü’t-teşrîfde bi’l-vekâle ikrâr-ı tâm ve takrîr-i kelâm edip müvekkilim müşârün-ileyh rıkkını mu‘terife olan orta boylu, açık kaşlı, gök elâ gözlü Rusiyyetü’l-asl râfi‘atü’l-hâze’l-kitâb Kâmile bt. Abdullah nâm câriye-i memlûkesini müvekkilim müşârün-ileyh hasbeten lillâhi’l-hallâk tahrîr ve i‘tâk ve silk-i harâ’ir-i asliyâta idrâc ve ilhâk eyledi. Ba‘de’l-yevm mezbûre Kâmile sâir harâ’ir-i asliyât gibi hürre oldu. Üzerinde velâ-i şer‘iyeden gayrı müvekkilimin hakkı kalmadı dedikde mâ hüve’l-vaka‘a bi’t-taleb ketb olundu. Fi’l-yevmi’s-sâbi‘ min-Şevvali’l-mükerrem li-sene isneyn ve seb‘în ve elf. Şuhûdü’l-hâl: İbrahim Efendi el-imâm, Necib Çelebi el-müezzin, Bekir Çelebi el-müezzin, Salih Çelebi b. ( ), Nasuh Çelebi b. ( ), Mehmed Efendi el-kâtib, Veli b. Mahmud, Osman b. ( ).