İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 446 Hüküm no: 486 Orijinal metin no: [60b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sago v. Petko’nun Petko v. Viço’ya olan borcunu kabul edip sulh oldukları İbrâ. Mahmiye-i İstanbul’da Toptaşı mahallesinde Seyyid Nasrullah Çelebi b. Mehmed meclis-i şer‘de bâ‘isü’s-sifr Sago v. Petko tarafından ikrâr-ı âti’z-zikri tasdîka vekîl olup nehc-i şer‘î ve vech-i mer‘î üzere vekâleti sâbite olan Petko v. Viço muvâcehesinde ikrâr ve i‘tirâf edip mezbûr Sago Ayazmakapısı’nda ben ekmekçi iken dezgâhdarım olmağla on bir bin üç yüz altmış akçeyi kabz ve kendi mesârifine sarfla zimmetinde deyn olmağla meblağ-ı mezbûru merkūm Sago’dan da‘vâ ve taleb eylediğimde beynimizde münâza‘ât-ı kesîre cereyânından sonra tavassut-ı muslihîn ile da‘vâ-yı mezbûrdan beş bin akçe üzerinde mezbûr Sago benimle sulh oldukda ben dahi sulh-ı mezbûru kabûl ve bedel-i sulh olan meblağ-ı mezbûru yedinden ahz u kabz edip mâ‘adâ da‘vâsından mezbûrun zimmetini ibrâ-i tâm ile ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Seydi Yusuf b. ( ), İbrahim Çelebi b. ( ), Mehmed b. Ramazan, Hasan b. Bayram, Rasûl b. Rıdvan.