İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 448 Hüküm no: 489 Orijinal metin no: [60b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiryazi v. İstati’nin Mehmed Çelebi b. Mehmed’e olan borcunu kabul ettiği İkrâr-ı deyn. Mahmiye-i İstanbul’da Mirâhur mahallesinde sâkin hâfızü’l-vesîka Mehmed Çelebi b. Mehmed nâm kimesne meclis-i şer‘de Kiryazi v. İstati nâm zimmî muvâcehesinde üzerine da‘vâ edip mezbûr Kiryazi zimmetinde kereste semeninden dört bin akçe hakkım olup mezbûrdan taleb eylediğimde vermekden imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr zimmî cevâbında fi’l-vâki‘ müdde‘î-i mezbûr Mehmed Çelebi’ye kereste semeninden zimmetimde vâcibü’l-edâ dört bin akçe deynim vardır deyü tav‘an ikrâr edecek ikrâr-ı mezbûru mûcebince mezbûr dört bin akçeyi müdde‘î-i mezbûr Mehmed Çelebi’ye edâya mezbûr Kiryazi’ye tenbîh olundu, mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-işrîn min-Ramazani’l-mübârek li-sene isneyn ve seb‘în ve elf. Şuhûdü’l-hâl: es-Sâbıkūnü’l-muhzırûn.