İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 448 Hüküm no: 490 Orijinal metin no: [61a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha Hatun bt. Abdullah’ın zevci Receb b. Hüseyin ile muhâlaa ile boşandıkları Hul‘ ibrâ. Mahmiye-i İstanbul’da Edirnekapısı dâhilinde Mustafapaşa mahallesi sâkinelerinden Sâliha Hatun bt. Abdullah meclis-i şer‘de zevci işbu râfi‘u’l-kitâb Receb b. Hüseyin mahzarında ikrâr ve takrîr-i kelâm edip mezbûr Receb zimmetinde mütekarrir ve ma‘kūdun-aleyh olan üç bin akçe mehr-i mü’eccelem ve nafaka-i iddet-i ma‘lûmem ve me’ûnet-i süknâm kendi üzerime olmak üzere merkūm Receb ile muhâla‘a-i sahîha-i şer‘iye ile muhâla‘a edip, ol dahi hul‘-ı mezbûru kabûl eyledikden sonra zevciyete müte‘allik da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi‘ min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Veli b. Mahmud, Rasûl b. Rıdvan, Abdi Çelebi b. Hüseyin, Mustafa b. Ahmed, el-Hâc Veli b. Mahmud, Mehmed Beşe b. Halil, Gazanfer b. Tevekkül, Ali Dede b. Ahmed.