İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 449 Hüküm no: 491 Orijinal metin no: [61a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah’ın zevci Ahmed b. Abdullah ile muhâlaa ile boşandıkları Hul‘. Mahmiye-i İstanbul’da Abdi Subaşı mahallesi sâkinelerinden Âişe bt. Abdullah mahfil-i kazâda zevci işbu bâ‘isü’l-kitâb Ahmed b. Abdullah mahzarında ikrârı ve takrîr-i kelâm edip zevcim mezbûr Ahmed zimmetinde mütekarrir ve ma‘kūdun-aleyh olan sekiz bin akçe mehr-i mü’eccelim ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzere mezbûr Ahmed ile muhâla‘a-i sahîha-i şer‘iye ile muhâla‘a [edip], ol dahi hul‘-ı mezkûru kabûl eyledikden sonra zevciyete ve gayra müte‘allik cemî‘ de‘âvîden her birimiz âharın zimmetini ibrâ-i âmm ile ibrâ ve ıskāt eyledik dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ min-Şevvali’l-mükerrem li-sene isneyn ve seb‘în ve elf. Şuhûdü’l-hâl: es-Sâbıkūn.