İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 453 Hüküm no: 497 Orijinal metin no: [61b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime Hatun bt. Abdullah Rus asıllı cariyesi Afîfe bt. Abdullah’ı azat ettiği Itâknâme. Mahmiye-i İstanbul’da Kirmasti mahallesinde sâkine fahrü’l-muhaddarât Rahime Hatun bt. Abdullah meclis-i şer‘de ikrâr ve takrîr-i kelâm edip sarı elâ gözlü, açık kaşlı, sarışın Rusiyyetü’l-asl işbu Afîfe bt. Abdullah nâm abd-i memlûk câriyemi niyet-i hâlisa ile hasbeten lillâhi’l-aliyyü’l-azîm âzad ve mülkümden ihrâc ve silk-i harâ’ir-i asliyâta ilhâk ve idrâc eyledim. Ba‘de’l-yevm sagīre-i mezbûre Afîfe sâir harâ’ir-i asliyât gibi hürre olup üzerinde velâdan gayrı hakkım bâkī kalmadı dedikde mâ-vaka‘a bi’t-taleb ketb olundu. Fi’l-yevmi’l-hâdî aşer min-Şevvali’l-mükerrem li-sene isneyn ve seb‘în ve elf. Şuhûdü’l-hâl: es-Sâbıkūn.