İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 456 Hüküm no: 502 Orijinal metin no: [62a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nezir Ağa b. İbrahim’in Şâmî Mehmed Çelebi b. Ahmed’e olan borcunu kabul ettiği İkrâr-ı deyn. Dergâh-ı âlî yeniçerilerinden kayıkçılara mahsûs oda ahâlîsinden Şâmî Mehmed Çelebi b. Ahmed meclis-i şer‘de fahrü’l-akrân Nezir Ağa b. İbrahim mahzarında üzerine da‘vâ ve takrîr-i kelâm edip mezbûr Nezir Ağa’nın zimmetinde işbu yedimde olan temessük mûcebince karz-ı şer‘îden sekiz yüzü riyâlî guruş hakkım vardır suâl olunup alıverilmek matlûbumdur dedikde gıbbe’s-suâl mezbûr Nezir Ağa cevâbında fi’l-vâki‘ müdde‘î-i mezbûr yedinde olan temessük mûcebince karz-ı şer‘îden zimmetimde lâzımü’l-edâ ve vâcibü’l-kazâ deynim vardır deyü bi-tav‘ihiikrâr etmeğin alâ-mûceb-i ikrârihî meblağ-ı mezbûru edâ ve teslîme tenbîh birle mâ-vaka‘a bi’t-taleb ketb olundu. Fi’l-yevmi’l-aşer min-Şevvali’l-mükerrem li-sene isneyn ve seb‘în ve elf. Şuhûdü’l-hâl: es-Sâbıkūn.