İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 471 Hüküm no: 525 Orijinal metin no: [64b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Mehmed’in Ali Beşe b. Lütfullah’a olan borcunun vadesinin uzatılması Tecîl. Vilâyet-i Anadolu’da Borlu kazâsına tâbi‘ Begise? nâm karye sâkinlerinden es-Seyyid Yusuf b. Mehmed meclis-i şer‘de bâ‘isü’l-kitâb zümre-i râcilînden Ali Beşe b. Lütfullah nâm râcil mahzarında ikrâr ve takrîr-i kelâm edip mezbûr Ali Beşe yedinden müşterâ ve makbûz Rusiyyü’l-asl Gülistan nâm câriye semeninden on dokuz bin altı yüz akçe deynim olup meblağ-ı mezbûru hâlâ edâya iktidârım olmayıp isticâl etmeğin ol dahi târih-i kitâbdan seksen gün tamamına tecîl edip ben dahi akd-i mezbûru kabûl ve deyn-i mezbûru edâya ta‘ahhüd eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-hâmis aşer min-Şevval sene 1072. Şuhûdü’l-hâl: el-Hâc Ahmed b. Mahmud, Şükrullah b. Mustafa, Veli b. Mahmud, Rasûl b. Rıdvan.