İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 483 Hüküm no: 546 Orijinal metin no: [66b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maktul Mimarbaşı Mustafa Ağa’nın cariyesi Rus asıllı Mülayim bt. Abdullah’ın hür olduğu Itâknâme. Ve yine bâlâda tafsîli mürûr ettiği vech üzere magzûben katl olunan Mi‘mârbaşı Mustafa Ağa’nın menzilinde sâkine orta boylu, açık sarı kaşlı, gök elâ gözlü Rusiyyetü’l-asl Mülâyim bt. Abdullah tarafından husûs-ı câ’i’z-zikre vekîl olup zât-ı mezbûreyi ma‘rifet-i şer‘iye ile ârifân Mehmed Efendi b. Ahmed ve Mustafa b. Abdullah şehâdetleri ile şer‘an vekâleti sâbite olan Hanefî Çelebi b. Ali meclis-i mezbûrda maktûl-i mezbûrun bâ-fermân-ı âlî cümle metrûkâtını cânib-i mîrî için zabteden müşârün-ileyh efendi hazretleri huzûrunda bi’l-vekâle üzerine da‘vâ edip müvekkilem-i merkūme Mülâyim maktûl-i mezbûrun câriye-i memlûkesi olup katl olunmazdan bir gün mukaddem Çavuşbaşı habsinde iken mezbûr Mustafa Ağa müvekkilem mezbûre Mülâyim’i hasbeten lillâhi’l-hallâk tahrîr ve i‘tâk [ve] harâ’ir-i asliyâta idrâc ve ilhâk eylediğini isbât olunup hürre olduğu kayd-şüd. Fi’t-târihi’l-mezbûr sene [10]72. Şuhûdü’l-hâl: es-Sâbıkūn.