İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 484 Hüküm no: 548 Orijinal metin no: [66b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Abdullah’ın kölesi cariyesi Paydar bt. Abdullah’ı azat etmesi Itâknâme. Mahmiye-i İstanbul’da Mimar Sinan mahallesinde sâkin el-Hâc Ahmed b. Abdullah nâm kimesne tarafından husûs-ı câ’i’z-zikri ikrâra vekîl olup vekâleti el-Hâc Mahmud b. Halil ve Mehmed Çelebi b. Murad nâm kimesneler şehâdetleri ile sâbit olan İbrahim Dede b. Ali nâm kimesne meclis-i şer‘de bi’l-vekâle ikrâr ve takrîr-i kelâm edip müvekkilem mezbûr el-Hâc Ahmed kendiye rıkkını mu‘terife olan işbu orta boylu, açık kaşlı, gök elâ gözlü Rusiyyü’l-asl bâ‘isetü’l-vesîka Paydar bt. Abdullah nâm câriye-i memlûkesin hasbeten lillâhi’l-azim ve taleben li merdâti rabbi’r-rahîm i‘tak ve tahrîr-i silk-i harâ’ir-i asliyâta idhâl ve idrâc eyledi ba‘de’l-yevm mezbûre Paydar sâir harâ’ir-i asliyât gibi hürre olup üzerine velâdan gayrı müvekkilemin hakkı kalmadı dedikde mâ-vaka‘a bi’t-taleb ketb olundu. Fi’l-hâmis aşer min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Mehmed Çelebi b. İlyas, Ali Beşe b. Abdullah, Sepetçi Mehmed b. ( ), Ali Dede b. Abdullah, Rasûl b. Rıdvan, Abdi Çelebi b. Hüseyin Veli b. Mahmud, Mustafa b. Ali, Hüseyin b. Ebûbekir.