İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 488 Hüküm no: 552 Orijinal metin no: [67b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe b. Mehmed’in, İsmail Çelebi b. Murad’a borçlu olduğunu beyan ettiği İkrâr-ı deyn. Vilâyet-i Anadolu’da Sinob kazâsına tâbi‘ Beyce/Yenice(?) nâm karye sükkânından olup hâlâ müsâferet tarîki üzere mahmiye-i İstanbul’da Derviş Ali mahallesinde sâkin Ali Beşe b. Mehmed meclis-i şer‘de işbu râfi‘u’l-kitâb İsmail Çelebi b. Murad mahzarında tâyi‘an ikrâr ve takrîr-i kelâm edip karz-ı şer‘îden mezbûr İsmail Çelebi’ye zimmetimde lâzımü’l-edâ ve vâcibü’l-kazâ yüz esedî guruş deynim vardır dedikde mukırr-ı mezbûru kelimât-ı muharreresinde mezbûr İsmail Çelebi bi’l-muvâcehe tasdîk ve bi’l-müşâfehe tahkīk etmeğin mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Abdurrahman Çelebi b. Abdullah Çelebi b. Mustafa Çelebi b. Mehmed Çelebi b. Mahmud, Mustafa Çelebi b. Ali, Mustafa Çelebi bin, Mustafa Çelebi b. Hüseyin, Hüseyin Çelebi b. Süleyman Çelebi-i Sinobî, Muslu Yazıcı-i Sinobî, İsmail Ağa b. Ali, Mehmed Çelebi b. Sinobî.