İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 489 Hüküm no: 555 Orijinal metin no: [67b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni Patriği Gazer v. Yakob’un, Semerci Marat v. Gazer’e borçlu olduğunu beyan ettiği İkrâr-ı deyn, 1.000 guruş. Mahmiye-i İstanbul’da Sulu Manastır mahallesinde sâkin hâlâ Ermeni Patriği olan Gazer v. Yakob meclis-i şer‘de işbu sahibü’l-kitâb Semerci Marat v. Gazer muvâcehesinde ikrâr ve i‘tirâf edip mezbûr Semerci Marat merhûm İbrahim Paşa Vakfı’nın Kāimmakām-ı Mütevellîsi olan mefharu’l-müderrisîni’l-kirâm Ataullah Efendi yedinden istikrâz ve kabz eylediği bin kıt‘a riyâlî guruş-ı kebîri bana ikrâz ve teslîm edip ben dahi iktirâz ve kabz eyledim, meblağ-ı mezbûr bin kıt‘a riyâlî guruş mezbûr Marat zimmetinde vâcibü’l-edâ ve lâzımü’l-kazâ deynim vardır dedikde mukırr-ı mezbûrun ikrârını el-mukarru lehu’l-merkūm Semer[ci] Marat bi’l-muvâcehe tasdîk ve bi’l-müşâfehe tahkīk edecek mâ hüve’l-vâki‘ bi’t-taleb ketb olundu. Fi’s-sâbi‘ aşer min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Hasan Çelebi b., Yusuf b. Abdullah, Mustafa Çelebi b. Ali, Hüseyin Bey b. Süleyman, Mehmed b. Ramazan, Mehmed Çelebi b. Ali Çavuş, Süleyman Bey b. Mehmed, Merdiros v. Avanos, Asvador v. Dülger oğlu, Melkon v., Bostancı Marat v., Merdiros v., Şükrullah b. Mustafa.