İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 504 Hüküm no: 573 Orijinal metin no: [70a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gülahmer bt. Abdullah’ın Ayşe bt. Ahmed’deki alacağının taksitlendirildiği Taksît. Mahmiye-i İstanbul’da Ali Paşa-yı Atîk mahallesinde sâkine Gülahmer bt. Abdullah nâm hatun mahfil-i kazâda bâ‘isetü hâzihi’l-kitâb Âişe bt. Ahmed nâm hatun mahzarında ikrâr ve takrîr-i kelâm edip mezbûre Âişe zimmetinde cihet-i deyn-i şer‘îden altışar dirhem olmak üzere otuz bir riyâlî guruş hakkım olup mezbûre Âişe’nin meblağ-ı mezbûru edâya iktidârı olmayıp taksîte tâlibe oldukda ben dahi târih-i kitâbdan otuz ay tamamına değin yüzer akçeye taksît edip ol dahi taksît-ı mezbûru kabûl ve deyn-i mezbûru edâya ta‘ahhüd eyledi dedikde gıbbe’t-tasdîk mâ-vaka‘a bi’t-taleb ketb olundu Fi’s-sâmin ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Hüseyin b. Ebûbekir, Mehmed b. Mustafa, Osman Beşe b. Şaban, İbrahim b. Yusuf, Hızır b. Abdünnebi, Veli b. Mahmud.