İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 505 Hüküm no: 574 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Veli’nin, Bayram Çavuş b. Mustafa’ya borçlu olduğunu ve borcuna karşılık evini rehin koyduğunu beyan ettiği Mahmiye-i İstanbul’da Kadırga Limanı kurbünde Bostancı Ali Ağa mahallesinde sâkin Hâssa pazara giden zümresinden İbrahim b. Veli meclis-i şer‘de işbu râfi‘u’l-kitâb fahrü’l-emâsil ve’l-akrân Bayram Çavuş b. Mustafa mahzarında tâyi‘an ikrâr ve takrîr-i kelâm edip bundan akdem her biri on birer esedî guruşdan yüz altmış beş esedî guruşa on beş aded dû-hezâr ta‘bîr olunur mezbûr Bayram Çavuş’dan iştirâ eylediğim tülbent bahâsından ve her donluğu on ikişer esedî guruşdan yedi donluk harîr Şâm alacası semeninden dahi seksen dört esedî guruş ki cem‘an iki yüz kırk dokuz esedî guruş zimmetimde mezbûr İbrahim Çavuş’a deynim olup meblağ-ı mezbûr mukābelesinde mahalle-i mezbûrede vâki‘ bir tarafdan Âişe Hatun mülküne ve bir tarafdan Hüseyin Bey mülküne ve iki tarafdan tarîk-i âm ile mahdûd ve büyût-ı adîdeyi müştemil mülk menzilim rehn-i mevzû‘dur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâlis aşer min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Mehmed Çavuş b. Mustafa, İsa Hoca el-imâm, Mustafa b. Mehmed, Mustafa b. Davud el-imâm, Abdi Çelebi b. Hüseyin.