İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 506 Hüküm no: 576 Orijinal metin no: [70b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe b. Ramazan’ın, bahçesini Ramazan Çelebi b. Ramazan’a sattığı Mülknâme-i bahçe. Mahmiye-i İstanbul’da Kürkçübaşı mahallesinde sâkin Mustafa Beşe b. Ramazan meclis-i şer‘-i hatîrde hâfızü’l-kitâb Ramazan Çelebi b. Ramazan mahzarında ikrâr ve takrîr-i kelâm edip mahmiye-i mezbûrede Neslişah Sultan mahallesinde vâki‘ bir tarafı Mâilî Bey b. Abdullah mülkü ve bir tarafı Rabi‘a Hatun mülkü ve bir tarafı Medîne-i Münevvere Vakfı ve bir tarafı tarîk-i âm ile mahdûd eşcâr-ı müsmire ve gayr-ı müsmireyi ve iki su kuyusunu müştemil mülk bahçemi bi-cümleti’t-tevâbi‘ ve’l-levâhık otuz bin nakd-i râyicün fi’l-vakt fıddî akçeye mezbûr Ramazan Çelebi’ye tarafeynden îcâb ve kabûlü hâvî bey‘-ı bâtt-ı sahîh-i şer‘î ile bey‘ ve teslîm ol dahi vech-i muharrer üzere iştirâ ve kabûl ve kabz ve tesellüm eyledikden sonra semen-i mezbûr otuz bin akçeyi müşteri-i mezbûr Ramazan Çelebi yedinden tamamen ahz u kabz eyledim; ba‘de’l-yevm bahçe-i mahdûd-ı mezkûr müşteri-i mezbûr Ramazan’ın mülk-i müşterâsıdır; keyfe mâ yeşâ ve yahtâr mutasarrıf olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Çorbacı Zülfi Mehmed Efendi, Mehmed Efendi Kâtib-i Zal Paşa, Hüsam Bey b. Abdullah, Yusuf Çelebi b. Ali, Mehmed Çelebi b. Receb, <>, Eyüb Çelebi b. Süleyman, Hasan Çelebi b. Mahmud, Şükrullah b. Mustafa ve gayruhum.