İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 506 Hüküm no: 577 Orijinal metin no: [70b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmihan Hatun Cüz Vakfı Mütevellisi Ebussuûd Efendi b. Osman’ın, başka diyara gidip dönünceye kadar Ali Beşe b. Mahmud’u kendi yerine vekil tayin ettiği Vekâlet-i tevliyet. Mahmiye-i İstanbul’da vâki‘ İsmihan Hatun nâm sahibetü’l-hayrın kendi rûhi’çün vakf eylediği eczâ-i şerîfeye mevkūfe yüz elli kıt‘a riyâlî guruşun hâlâ mütevellîsi ve mezbûr İsmihan Hatun’un vasîyy-i muhtârı olan Ebussuûd Efendi b. Osman nâm kimesne meclis-i şer‘de işbu bâ‘isü’l-vesîka Ali Beşe b. Mahmud nâm kimesne mahzarında ikrâr ve takrîr-i kelâm edip ben âhar diyâra teveccüh ve azîmet etmekle varıp gelince mezbûr Ali Beşe vakf-ı mezbûra beher yevm ikişer akçe ücret ile hizmet etmek üzere tarafımdan vekîl ve kāimmakām nasb ve ta‘yîn eylediğimde ol dahi vekâlet-i mezbûreyi kabûl ve hizmet-i lâzımesini edâya ta‘ahhüd ve iltizâm eyledi dedikde gıbbe’t-tasdîkı’l-mu‘teber mâ-vaka‘a bi’t-taleb ketb olundu. Fi’s-sâmin ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Mustafa Bey b. Receb, Hasan Bey b. Abdullah, İsmail Ağa el-cündî, el-Hâc Mustafa b. Hasan, el-Hâc Siyavuş Bey b. Abdullah, el-Hâc Mahmud b., Abdi b. Hüseyin.