İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 507 Hüküm no: 578 Orijinal metin no: [70b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hasan ile eşi Mustafa b. Hüseyin’in muhâlaa ile boşandıkları Hul‘, ibrâ. Mahmiye-i İstanbul’da İskender Ağa mahallesi sâkinelerinden Âişe bt. Hasan nâm hatun meclis-i şer‘de zevci râfi‘u’l-kitâb Mustafa b. Hüseyin nâm kimesne mahzarında ikrâr ve takrîr-i kelâm edip zevcim mezbûr zimmetinde mütekarrir ve ma‘kūdün-aleyh olan bin akçe mehr-i mü’eccelim ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzere muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete ve gayra müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Osman Efendi b. Hasan el-imâm, Mahmud b. Yusuf el-müezzin, Ali Beşe b. Abdullah er-râcil, Veli b. Mahmud.