İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 509 Hüküm no: 582 Orijinal metin no: [71a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani bt. Mehmed ile eşi Osman Beşe b. Himmet’in muhâlaa ile boşandıkları Hul‘. Mahmiye-i İstanbul’da Sunullah Efendi mahallesinde sâkine Ümmühani bt. Mehmed nâm hatun meclis-i şer‘de bâ‘isü hâze’l-kitâb zevci Osman Beşe b. Himmet mahzarında ikrâr ve takrîr-i kelâm edip zevcim mezbûr Osman Beşe zimmetinde mütekarrir ve ma‘kūdün-aleyh olan bin dört yüz akçe mehr-i mü’eccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Osman ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra [her birimiz] zevciyete müte‘allika da‘vâdan âharın zimmetini ibrâ-i âmm ile ibrâ ve ıskāt eyledik dedikde gıbbe’t-tasdîk mâ-vaka‘a bi’t-taleb ketb olundu. Fi’l-yevmi’l-işrîn min-Şevvali’l-mükerrem li-sene 1072. Şuhûdü’l-hâl: Mehmed b. Ahmed, İbrahim b. Süleyman, Hüseyin b. el-Hâc İvaz, Şükru[llah] b. Mustafa, Ali b. Lütfullah.