İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 511 Hüküm no: 585 Orijinal metin no: [71b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe b. Ali’nin, iki adet kahvehane dükkânını Halil Beşe b. Mustafa’ya sattığı Mübâya‘a. Vilâyet-i Anadolu’da kasaba-i Eskişehir mahallâtından Türkmenler mahallesi sükkânından Mehmed Beşe b. Ali nâm râcil meclis-i şer‘de râfi‘u’l-kitâb Halil Beşe b. Mustafa nâm mumcu mahzarında tâyi‘an ikrâr ve takrîr-i kelâm edip akd-i âtî sudûruna dek silk-i mülkümde olup kasaba-i mezbûre sûku kurbünde vâki‘ bir tarafdan Mustafa Ağa mülküne ve bir tarafdan İbrahim b. Ahmed mülküne ve bir tarafdan Mustafa Ağa hânına ve bir tarafdan tarîk-i âmma müntehî ve mahdûd iki kepenk kahvehâne dükkânını bi-cümleti’t-tevâbi‘ ve’l-levâhık ve kâffetü’l-hukūk ve’l-merâfık on üç bin râyicün fi’l-vakt akçeye mezbûr Halil Beşe’ye bâtten bey‘ ol dahi mâlıyla nefsi’çün iştirâ eyledikden sonra semeni olan meblağ-ı mezbûru bi’t-tamam mezbûr Halil Beşe yedinden alıp kabz edip mebî‘-i mezbûru mahâllinde kabz ve tasarrufa mezbûr Halil Beşe’yi taslît eyledim dedikde gıbbe’t-tasdîk mâ-vaka‘a bi’t-taleb ketb olundu. Fi’s-sâbi‘ aşer min-Şevval sene [10]72. Şuhûdü’l-hâl: es-Sâbıkūn