İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 511 Hüküm no: 586 Orijinal metin no: [71b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şehbaz bt. Abdullah ile eşi Osman Çelebi b. Salih Efendi’nin muhâlaa ile boşandıkları Hul‘. Mahmiye-i İstanbul’da Ördek Kasab mahallesinde sâkine Şehbaz bt. Abdullah meclis-i şer‘de sin ve cüssesinin bulûğa tahammülü ve bulûğuna mu‘terif olan zevci râfi‘u’l-kitâb Osman Çelebi b. Salih Efendi mahzarında ikrâr ve takrîr-i kelâm edip mezbûr Osman Çelebi benim zevcim olup zimmetinde mütekarrir ve ma‘kūdün-aleyh olan bin akçe mehr-i mü’eccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iye ile muhâla‘a edip ol dahi kabûl eyledikden sonra zevciyete ve gayra müte‘allika cümle hukūk da‘vâsından her birimiz âharın zimmetini ibrâ eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-hâdî ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Abdünnebi b. Fazlullah, Hacı Ahmed b. Mehmed, Osman b. Mustafa, Osman b. Abdullah.