İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 516 Hüküm no: 595 Orijinal metin no: [72a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neslihan bt. Osman ile eşi Durmuş Bey b. Ebubekir’in muhâlaa ile boşandıkları Hul‘. Mahmiye-i İstanbul’da Müfti Hamamı kurbünde sâkine Neslihan bt. Osman nâm hatun meclis-i şer‘de zevci hâfızü’l-kitâb Durmuş Bey b. Ebûbekir nâm bevvâb-ı sultanî mahzarında ikrâr ve i‘tirâf edip mezbûr Durmuş Bey ile zimmetinde mütekarrir ve ma‘kūdün-aleyh beş yüz akçe mehr-i mü’eccelimi alıp ve nafaka-i iddet-i ma‘lûmem ve me’ûnet-i süknâm üzerine muhâla‘a-i sahîha-i şer‘iye eylediğimde ol dahi ber-minvâl-i muharrer hul‘u kabûl eyledikden sonra zevciyete müte‘allika da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fî 20 min-Şevval li-sene 1072. Şuhûdü’l-hâl: es-Sâbıkūn.