İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 519 Hüküm no: 599 Orijinal metin no: [72b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dâye Kâmile Hatun bt. Abdullah’ın, tasarrufunda olan kiralık vakıf evi Emrullah Ağa’ya devrettiği Mahmiye-i İstanbul’da Nikola Çeşmesi kurbünde Karabaş mahallesinde Dâye Kâmile Hatun bt. Abdullah meclis-i şer‘de işbu râfi‘u’l-kitâb Emrullah Ağa b. mahzarında ikrâr ve i‘tirâf edip merhûm vakfından icâre-i mu‘accele ve mü’eccele-i ma‘lûmeteyn ile taht-ı tasarrufumda olup mahalle-i mezbûrede vâki‘ bir tarafı Nikola Çeşmesi kurbünde olan mescid-i şerîf cidârına ve bir tarafı mescid-i şerîf vakfından olan menzile ve bir tarafı ( ) tasarrufumda olan menzile ve bir tarafı tarîk-i âmma müntehî menzilimi ma‘rifet-i mütevellî ile tefvîz bi’l-vefâ vechi üzere beş bin akçeye ferâğ ve tefvîz, mezbûr Emrullah Ağa dahi tefevvüz ve kabûl eyledikden sonra bedel-i mezbûru yedinden bi’t-tamam ahz u kabz eyledim dedikde mukırra-i mezbûrenin ikrârını el-mukarru lehu’l-mezbûr Emrullah Ağa bi’l-muvâcehe [73a] tasdîk ve bi’l-müşâfehe tahkīk edecek mâ-vaka‘a bi’t-taleb ketb olundu. Fi’s-sâbi‘ ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Hüseyin Efendi, Mehmed Efendi, İbrahim b. Hasan Bey b. Ali Çelebi bin, Süleyman b. Mehmed Bey b. Mehmed Çavuş el-mübâşir.