İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 531 Hüküm no: 615 Orijinal metin no: [75a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zaharya v. Babük’ün, evini Murtaza Bey b. Hasan’a sattığı Mülknâme. Mahmiye-i İstanbul’da Kumkapı dâhilinde Cerrâhbaşı İshak Bey mahallesinde mütemekkin Zaharya v. Babük nâm Ermeni zimmî meclis-i şer‘de işbu râfi‘u’l-kitâb Murtaza Bey b. Hasan nâm bevvâb-ı sultanî mahzarında ikrâr ve takrîr-i kelâm edip mahalle-i mezbûrede vâki‘ silk-i mülkümde olup bir tarafdan Tavukçu Serkis nâm Ermeni mülküne ve bir tarafdan Bozacı Yani nâm zimmî mülküne ve bir tarafdan Papuççu Asvador nâm Ermeni mülküne ve bir tarafdan tarîk-i âmma müntehî dört bâb fevkānî oda ve bir bâb tahtânî oda ve kenîf ve su kuyusunu ve cüneyneyi müştemil mülk cemî‘ menzilimi kâffe-i menâfi‘ ve merâfıkı ve âmme-i hukūk ve tarîki ile mezbûr Murtaza Bey’e yüz yirmi bin akçeye bâtten bey‘ ve teslîm ol dahi ber-minvâl-i muharrer iştirâ ve tesellüm ve kabûl eyledikden sonra semeni olan meblağ-ı mezbûr yüz yirmi bin akçeyi mezbûr Murtaza Bey yedinden tamamen alıp kabz eyledim, ba‘de’l-yevm menzil-i mahdûd-ı mezbûr merkūm Murtaza Bey’in mülk-i müşterâsıdır, keyfe mâ yeşâ ve yahtâr mutasarrıf olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: es-Seyyid Ali Efendi b. Mehmed el-imâm, Abdurrahman b. Mehmed el-müezzin, Receb b. Mehmed el-münâdî, Mehmed b. Cafer el-münâdî, İsmail Ağa b.