İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 534 Hüküm no: 619 Orijinal metin no: [75b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Abdullah’ın, kefili olduğu Ali Bey b. Abdullah’ın borcunu alacaklı İsa b. İbrahim’e ödemesi <>İkrâr-ı kefâlet; 50 esedî. Tüccâr tâifesinden işbu râfi‘u’l-kitâb el-Hâc İsa b. İbrahim nâm kimesne mahfil-i kazâda el-Hâc Ahmed b. Abdullah nâm kimesne mahzarında üzerine da‘vâ ve takrîr-i kelâm edip gāib ani’l-meclis Ali Bey b. Abdullah nâm kimesne zimmetinde cihet-i karz-ı şer‘îden <> bin beş yüz para hakkım olup meblağ-ı mezbûra mezkûr el-Hâc Ahmed tarafeynden [tarafından] emr ve kabûlü hâviye kefâletle kefîl olmuş idi, hâlâ meblağ-ı mezbûr <> bin beş yüz parayı bi-hükmi’l-kefâle mezbûr el-Hâc Ahmed’den taleb ederim, suâl olunsun dedikde gıbbe’s-suâl mezbûr el-Hâc Ahmed cevâbında fi’l-vâki‘ müdde‘î-i mezbûr el-Hâc İsa’nın gāib-i mezbûr Ali Bey zimmetinde cihet-i mezbûreden olan bin beş yüz para hakkını kefâlet-i sahîha-i şer‘iye ile kefîl oldum deyü bi-tav‘ihiikrâr ve i‘tirâf etmeğin alâ-mûceb-i ikrârihî meblağ-ı mezbûr <> bin beş yüz parayı müdde‘î-i mezbûr el-Hâc İsa’ya edâ ve teslîme mezbûr el-Hâc Ahmed’e tenbîh olunup mâ-vaka‘a bi’t-taleb ketb olundu. Fi’l-yevmi’s-sâlis ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: es-Sâbıkūn.