İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 546 Hüküm no: 637 Orijinal metin no: [77b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Bosnalı Mehmed Beşe’nin küçük kız çocuğu Havva üzerine annesi Fâtıma bt. Mustafa’nın vasî tayini Vesâyet. Vilâyet-i Anadolu’da İznikmid kasabası sükkânından olup Vilâyet-i Rumeli’nde İştib kazâsına tâbi‘ Koçana nâm karyede vefât eden Bosnevî Mehmed Beşe nâm râcilin sulbiye sagīre kızı Havva’nın tesviye-i umûru ve babasından intikāl eden emvâli zabta vasî nasbları lâzım ve lâ-büd olmağın vesâyet-i mezbûreye sagīre-i mezbûrenin anasının anası hâfızetü hâzihi’l-vesîka Fâtıma bt. Mustafa nâm hatun her vechile ehil olduğunu zeyl-i vesîkada esâmîleri mastûr Müslimîn ihbârları ile lede’ş-şer‘ mütebeyyin ve zâhir olmağın hâkim-i muvakkı‘-ı sadr-ı kitâb hazretleri dahi mezbûr Fâtıma’yı sagīre-i mezbûrenin ahvâlini hıfz ve emvâlini zabt u rabta kıbel-i şer‘-i mutahhardan vasî nasb u ta‘yîn eyledikde ol dahi kabûl ve hidemâtını edâya müte‘ahhid olmağın mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-işrîn min-Şevvali’l-mükerrem li-sene isneteyn ve seb‘în ve elf. Şuhûdü’l-hâl: Receb Beşe b. Mustafa, Osman b. İlyas, İbrahim Beşe b. Ali, Muslı Beşe b. Hüseyin, Mehmed b. Ramazan.