İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 547 Hüküm no: 639 Orijinal metin no: [78a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Bali’nin Nikola v. Yani ile olan alacak davasında sulh olduğu Sulh, ibrâ. Mahmiye-i İstanbul’da Kazgancı İlyas mahallesinde sâkine Fâtıma bt. Bali nâm hatun meclis-i şer‘de Nikola v. Yani nâm zimmî muvâcehesinde tav‘an ikrâr ve takrîr-i kelâm edip bundan akdem mezbûr Nikola zimmî benden ikrâz ve kabz eylediği dört bin akçeyi mezbûrdan da‘vâ eylediğimde mezbûr inkâr edip ben dahi ikāmet-i beyyineden âciz olup mezbûra yemîn vermek sadedinde iken beynimize muslihûn tavassut etmekle da‘vâ-yı mezbûremden an-inkâr mezbûr Nikola benimle bin yüz akçe üzerine sulh edip ben dahi sulh-ı mezbûru kabûl ve bedel-i sulh olan meblağ-ı mezbûr bin akçeyi yedinden ahz u kabz edip mâ‘adâ da‘vâsından mezbûr Nikola’yı ibrâ ve ıskāt eyledim dedikde gıbbe’t-tasdîkı’ş-şer‘î [mâ-vaka‘a] bi’t-taleb ketb olundu. Fi’l-yevmi’s-sâdis ve’l-işrîn min-Şevvali’l-mükerrem li-sene isneteyn ve seb‘în ve elf. Şuhûdü’l-hâl: Mustafa Beşe b. Sıyami, Mehmed Bey b. Mustafa el-bevvâb, Şükrullah b. Mustafa, Pîrî [b.] Mehmed, Mehmed b. Ramazan.