İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 564 Hüküm no: 663 Orijinal metin no: [80b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rabia bt. Veli’nin muhâlaa yoluyla kocası Ali Beşe b. Handani’den boşandığı Hul‘, ibrâ. Mahmiye-i İstanbul’da Alipaşa-yı Atîk mahallesinde sâkine Râbia bt. Veli nâm hatun meclis-i şer‘de râfi‘u’l-kitâb zevci Ali Beşe b. Handani mahzarında ikrâr ve takrîr-i kelâm edip zevcim mezbûr Ali Beşe zimmetinde mütekarrir ve ma‘kūdün-aleyh olan beş yüz akçe mehr-i mü’eccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzere mezbûr Ali Beşe ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete ve gayra müte‘allika da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sânî min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Mehmed b. Ramazan el-muhzır, Şükrullah b. Mustafa el-muhzır, Veli b. Mahmud el-muhzır, Abdi Çelebi b. Hüseyin el-muhzır.