İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 612 Hüküm no: 704 Orijinal metin no: [89M/b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Delirmiş olan Mehmed Beşe b. Abdullah üzerine kardeşi Ahmet Beşe’nin vasî tayin olunduğu Hâlâ cünûn-ı mutbık ile mecnûn olan Mehmed Beşe b. Abdullah’ın umûrunu görmeğe bir vasî nasbı lâzım ve mühim olmağın mecnûn-ı mezbûrun li-ebeveyn karındaşı işbu bâ‘isü’l-kitâb Ahmed Beşe’nin vesâyet uhdesinden gelmeğe kādir ve yesârı olduğunu zeyl-i vesîkada isimleri mastûr olan Müslimîn ihbârları ile lede’ş-şer‘ zâhir ve müte‘ayyin olmağın mezbûr Ahmed Beşe merkūm Mehmed Beşe’nin tesviye-i umûruna kıbel-i şer‘den vasî nasb u ta‘yîn olundukda ol dahi vesâyet-i mezbûreyi kabûl ve hizmet-i lâzımesini edâya ta‘ahhüd etmekle mâ-vaka‘a bi’t-taleb ketb olundu. Fi’l-yevmi’l-işrîn min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Mehmed Efendi b. Ali, Musa Efendi b. Ahmed, Şükrullah b. Mustafa, Abdi b. Hüseyin, Mehmed b. Ramazan, Hasan b. Bayram.