İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 615 Hüküm no: 708 Orijinal metin no: [90b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Hacı Bayram’ın muhâlaa yoluyla kocası Abdurrahman b. Mahmud’dan boşandığı Hul‘. Mahmiye-i İstanbul’da Debbağzâde mahallesinde sâkine Hadîce bt. el-Hâc Bayram nâm hatun meclis-i şer‘de zevci bâ‘isü’l-kitâb Abdurrahman b. Mahmud mahzarında ikrâr ve takrîr-i kelâm edip mezbûr Abdurrahman zimmetinde mütekarrir ve ma‘kūdün-aleyh olan üç bin akçe mehr-i mü’eccelim üzerine ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzere merkūm Abdurrahman ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete ve gayra müte‘allika da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’r-râbi‘ min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Kemâl Efendi b. Ali el-imâm, Gazanfer b. Tevekkül, Rasûl b. Rıdvan, Mehmed b. Ramazan.