İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 617 Hüküm no: 712 Orijinal metin no: [90b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Yusuf’un Mısır’a giden kocasının vekilinden 8.300 akçe aldığını ikrar ettiği Mahrûse-i Galata’ya tâbi‘ kasaba-i Kasımpaşa’da Kulaksız mahallesinde sâkin işbu râfi‘u’l-kitâb Heykel b. Yunus nâm kimesne meclis-i şer‘de yine mahalle-i mezbûrede sâkine Fâtıma Hatun bt. Yusuf mahzarında üzerine takrîr-i kelâm edip mezbûre Fâtıma’nın zevci el-Hâc Ömer b. el-Hâc Şuayb târih-i kitâbdan iki sene mukaddem diyâr-ı Mısır’a gider oldukda zevcesi mezbûre Fâtıma’ya infâk için tarafından beni vekîl ve ben dahi vekâlet-i mezbûreyi kabûl etmekle iki senede cem‘an mezbûreye nafakası için sekiz bin üç yüz akçe def‘ ü teslîm eylemişdim suâl olunup takrîri tahrîr olunmak taleb ederim dedikde gıbbe’s-suâl mezbûre Fâtıma Hatun cevâbında fi’l-vâki‘ mezbûr Heykel zevcim mezbûr el-Hâc Ömer tarafından bana infâka vekîl olmağın iki senede mezbûr Heykel’in yedinden sekiz bin üç yüz akçe ahz u kabz eyledim dedikde mâ hüve’l-vâki‘ bi’t-taleb ketb olundu. Fi’l-yevmi’s-sâlis min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: el-Hâc Hicazî b. Musa, el-Hâc Hicazî b. el-Hâc Mansur, Mehmed b. el-Hâc Naim, el-Hâc Ahmed b. el-Hâc Abdurrahman.