İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 624 Hüküm no: 722 Orijinal metin no: [92a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Ali’nin muhâlaa yoluyla kocası Osman Bey b. Mehmed’den boşandığı Hul‘. Mahmiye-i İstanbul’da Kırkçeşme kurbünde vâki‘ Kırkçeşme mahallesi sâkinelerinden Fâtıma bt. Ali nâm hatun meclis-i şer‘de işbu bâ‘isü’l-kitâb Osman Bey b. Mehmed mahzarında bi-tav‘ihâ ikrâr ve takrîr-i kelâm edip zevcim mezbûr Osman Bey zimmetinde mütekarrir ve ma‘kūdün-aleyh olan dört bin akçe mehr-i mü’eccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Osman Bey ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete ve gayra müte‘allika cemî‘ de‘âvî ve mütâlebât ve eymân ve muhâsamâtdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-hâmis min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Mehmed Çavuş b. Yusuf, Mustafa Bey b. el-Hâc Ahmed el-bevvâb-ı sultanî, Mustafa el-cündî, Musa Bey b. Yusuf, Şükrullah b. Mustafa, Baba Rasûl b. Rıdvan, Mehmed b. Ramazan, Hasan b. Mustafa, Abdi b. Hüseyin.