İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 636 Hüküm no: 739 Orijinal metin no: [94a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Paşa Vakfı’na ait hamamı mütevellisinin izni ile tamir eden kiracısı Hasan Çelebi b. Hüseyin’in vakıftan 6.933 akçe alacağı olduğu Hamam ta‘mîrine harc olunan meblağı mütevellî tasdîk. Mahmiye-i İstanbul’da Ahırkapı dâhilinde Akbıyık Câmi‘-i Şerîfi kurbünde vâki‘ merhûm Hasan Paşa Vakfı olan hamamın mütevellîsi olan es-Seyyid Mehmed Efendi b. Veli meclis-i şer‘-i hatîrde zikrolunan hamamın hâlâ müste’ciri olan bâ‘isü’l-kitâb Hasan Çelebi b. Hüseyin mahzarında ikrâr ve takrîr-i kelâm edip mârrü’z-zikr hamamın bazı yerleri harâba müşrif olup ta‘mîre eşedd-i ihtiyâcla muhtâc ve vakıfda dahi ta‘mîre kudret olmamağla işbu bin yetmiş iki Rebî‘ülevvel’inde ba‘de’l-izn merkūm Hasan Çelebi kendi mâlından altı bin dokuz yüz otuz üç akçe harc u sarf etmişdir meblağ-ı mezbûr cânib-i vakıfda alacağı olup ben dahi yedine hat ve hatmi hâvî temessük vermişimdir dedikde gıbbe’t-tasdîk mâ-vaka‘a bi’t-taleb ketb olundu. Fi’l-yevmi’s-sâdis min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Mehmed Çelebi el-müezzin bi-Akbıyık, Hacı Mehmed Çelebi b. ( ) suyolcu, Hüseyin Çelebi b. ( ), Veli Efendi el-kayyum, Hasan Çelebi b. ( ) suyolcu.