İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 655 Hüküm no: 768 Orijinal metin no: [98a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa b. Hasan’ın Hacı Süleyman b. Abdullah’a 560 guruş borcu olduğunu ikrar ettiği İkrâr-ı deyn ve kefâlet. Bi’l-fi‘il Kefe nâzırı olan Mehmed Ağa b. Hasan meclis-i şer‘de yeniçerilerinin ikinci cemâ‘atinin sâbıkā odabaşısı olan el-Hâc Süleyman b. Abdullah tarafından ikrâr-ı âti’z-zikri tasdîka vekîl olup vekâleti sâbite olan el-Hâc Mehmed b. Hasan mahzarında ikrâr edip müvekkil-i mûmâ-ileyh zimmetimde lâzımü’l-edâ ve vâcibü’l-kazâ karz-ı şer‘îden beş yüz altmış kıt‘a esedî guruş deynim vardır inşâallâh kırk gün tamamında kendüye edâya ta‘ahhüd eyledim dedikde gıbbe’t-tasdîk meblağ-ı mezbûrun cümlesinde odabaşı Mehmed Beşe b. Murad ve Mehmed Bey b. Mustafa nâm cündî emr ve kabûlü hâviye kefâlet-i sahîha ile kefîl olduk dediklerinde mâ hüve’l-vâki‘ bi’t-taleb ketb olundu. Fî 4 min-Zilka‘de min-isneteyn ve seb‘în ve elf. Şuhûdü’l-hâl: Mehmed Bey b. Mustafa, Mehmed Çelebi b. Abdülhâdî, Sefer Bey b. Rıdvan, Mehmed Bey b. Abdullah, İbrahim Beşe b. Abdullah mumcu, Hüseyin Çelebi b. Ali.