İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 661 Hüküm no: 778 Orijinal metin no: [98b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Ahmed’in ölen kocasının terekesinden mehir ve miras hissesini almak üzere Mehmed Efendi b. Halil’i vekil tayin ettiği Vekâlet. Mahmiye-i İstanbul’da Ördek Kasab mahallesi sükkânından olup bundan akdem vefât eden el-Hâc Mehmed Odabaşı b. Bayram’ın zevce-i metrûkesi Emine bt. Ahmed nâm [hatun] meclis-i şer‘de işbu râfi‘u’l-kitâb Mehmed Efendi b. Halil mahzarında takrîr-i kelâm edip zevcim müteveffâ-yı mezbûrun muhallefâtından bi’l-farzıyeti’ş-şer‘iye bana isâbet eden sümün hisse-i şer‘iyem ile müteveffâ-yı mezbûrun zimmetinde mütekarrir ve ma‘kūdün-aleyh altmış bin akçe mehr-i mü’eccelimi müteveffâ-yı mezbûrun muhallefâtına vâzı‘u’l-yed olup sagīr oğulları İbrahim ve Mehmed’in vasîyy-i şer‘îsi Mumcu Mustafa Beşe ile kezâlik oğlu Ömer’in cânib-i şer‘den mansûb vasîsi İbrahim Beşe’den da‘vâ ve taleb ve ahz u kabza ve bana îsâl ve kabz, îsâl, mütevakkıf olduğu umûrun cümlesine mezbûr Mehmed Efendi’yi tarafımdan vekîl ve nâib-i menâb nasb ve ta‘yîn edip ol dahi vekâlet-i mezbûreyi kabûl ve hizmet-i lâzımesini edâya ta‘ahhüd eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’t-tâsi‘ min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Abdülkadir Efendi el-Burûsî, el-Hâc Ahmed b. Mahmud, Receb Bey b. Abdullah, Ramazan Beşe b. ( ), Hüseyin Efendi b. Ali.