İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 682 Hüküm no: 812 Orijinal metin no: [102b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Mehmed’in muhâlaa yoluyla kocası Receb b. Mustafa’dan boşandığı Hul‘. Mahmiye-i İstanbul’da Âşık Paşa mahallesinde sâkine Hadîce bt. Mehmed meclis-i şer‘de zevci işbu râfi‘u’l-kitâb Receb b. Mustafa muvâcehesinde ikrâr ve takrîr-i kelâm edip zevcim mezbûr Receb zimmetinde mütekarrir ve ma‘kūdün-aleyh olan bin akçe mehr-i mü’eccelim yedinden bi’t-tamam ahz u kabz edip nafaka-i iddet-i ma‘lûmem üzerine ve me’ûnet-i süknâm dahi kendi üzerime olmak üzere zevcim mezbûr Receb ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl etdikden sonra zevciyete müte‘allika âmme-i de‘âvî ve eymân ve muhâsamâtdan her birimiz âharın zimmetini ibrâ-i âm ile ibrâ ve ıskāt eyledim dedikde gıbbe’t-tasdîk mâ-vaka‘a bi’t-taleb ketb olundu. Fi’s-sâbi‘ aşer min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Seyyid Mustafa Efendi b. es-Seyyid Emrullah el-imâm, Ahmed Efendi b. Mustafa, İsmail Halîfe b. Hüseyin, Mustafa b. Elvan, Abdi b. Mehmed, Ramazan b. Ömer, Halil Beşe b. Pirce, Mehmed b. Abdullah.