Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 90 Hüküm no: 74 Orijinal metin no: [11b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sultan bt. Mehmed ile kocası Bayram’ın anlaşarak boşandıkları (muhâla‘a) İşbu mazmûnunda muhâla‘adan bahseden sahîh ve şer‘î bir hüccettir. Medîne-i mahmiye-i Kostantıniyye’de vâki‘ Cebelmeydanı? karyesinde sâkine Sultan bt. Mehmed nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup hâmil-i hâze’l-kitâb Bayram b. Timur nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt bin akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Sultan bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’l-âşir min-şehri Ramazani’l-mübârek li-sene selâse ve sittin ve elf. Şuhûdü’l-hâl: Arab Hoca el-hâc Hasan, Hasan Beşe b. Ahmed Beşe, Mehmed Beşe b. Süleyman, Ali Beşe el-hallâk, Rıdvan Beşe b. Abdullah