İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 684 Hüküm no: 814 Orijinal metin no: [103a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Mehmed’in Mehmed b. Osman’a bin sekiz yüz akçe borcu olduğunu ikrar ettiği İkrâr-ı deyn. Mahmiye-i İstanbul’da Uzun Yusuf mahallesi sâkinlerinden işbu râfi‘u’l-kitâb Mehmed b. Osman meclis-i şer‘-i hatîr-i lâzımü’t-tevkīrde Hüseyin b. Mehmed mahzarında üzerine da‘vâ ve takrîr-i kelâm edip mahalle-i mezbûrede vâki‘ lede’l-ahâlî ve’l-cîrân ma‘lûmü’l-hudûd olup taht-ı tasarrufumda olan vakıf menzilimi mezbûr Hüseyin’e izn-i mütevellî ile sekiz bin akçeye ferâğ ve tefvîz ol dahi minvâl-i muharrer üzere tefevvüz ve kabûl edip semeni olan meblağ-ı mezkûr sekiz bin akçenin altı bin iki yüz akçesini yedinden ahz u kabz edip meblağ-ı bâkī bin sekiz yüz akçe hakkım mezbûr Hüseyin zimmetinde bâkī kalmışdır, taleb ederin suâl olunsun dedikde gıbbe’s-suâl mezbûr Hüseyin cevâbında fi’l-vâki‘ müdde‘î-i mezbûr Mehmed’in zikrolunan menzil semeninden benim zimmetimde bin sekiz yüz akçe hakkı vardır deyü mukırr u mu‘terif olmağın ikrârı mûcebince meblağ-ı mezbûru müdde‘î-i mezbûr Mehmed’e edâya merkūm Hüseyin’e tenbîh birle mâ-vaka‘a bi’t-taleb ketb olundu. Tahrîren fi’l-yevmi’s-sâdis aşer [min]-Zilka‘deti’ş-şerîfe li-sene isneteyn ve seb‘în ve elf. Şuhûd: Şükrullah b. Mustafa, Resûl b. Rıdvan, Mehmed b. Ramazan, Veli b. Mahmud.