İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 689 Hüküm no: 821 Orijinal metin no: [104a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meryem bt. Abdurrahman’ın muhâlaa yoluyla kocası Yusuf b. Hacı Selim’den boşandığı Hul‘. Mahmiye-i İstanbul’da Mustafa Paşa mahallesi sâkinelerinden Meryem bt. Abdurrahman nâm hatun meclis-i şer‘de zevci işbu bâ‘isü’l-kitâb Yusuf b. el-Hâc Selim nâm kimesne mahzarında ikrâr ve takrîr-i kelâm edip zevcim mezbûr Yusuf zimmetinde mütekarrir ve ma‘kūdün-aleyh olan sekiz yüz akçe mehr-i mü’eccelimin iki yüz akçesini zevcim mezbûr Yusuf’a hîbe-i sahîha-i şer‘iye ile hîbe ve temlîk etmiş idim hâlâ bâkī olan altı yüz akçe mehr-i mü’eccelim üzerine ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzere mezbûr Yusuf ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete ve gayra müte‘allika da‘vâdan birbirimizin zimmetini ibrâ-i âm ile ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin aşer min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: el-Hâc Süleyman b. Ali, el-Hâc Mehmed b. el-Hâc Sâlim, Mehmed b. Selim, el-Hâc Süleyman b. Mehmed.